الجمعة، 28 نوفمبر 2008

حبــــــا أضــــــاع حيـــــاتها


هــل مـن أجـــل الحـــب يجــب أن نضحـــى بالحيـــــاة

يجــب أن نتنـــازل فقــط ونعطـــى الحـــب دائمـــا بـــدون مقـــابل

وهــل أذا فعــلنا ذلك . يقــــدر الحـــبيب ذلك ويعطينـــا مـا نتمنــى ؟؟؟؟؟؟؟؟؟؟

أعتقــــد بـــأن الاجــــابة لالالالالالالالالا

والدليل فى هذة القصة اللى هحكيها ليكم وانتم بقى هتقرروا تشركونى فى الرأى والا هيكون عندكم وجهة نظر مختلفـــة .....

-----------------------------

هذة قصة فتاة فى مقتبل العمر . يعنى أزهى فترات عمرها

تقريبا 26 سنة . ارتبطت بقصة حب منذ سنوات ولكن لم يوافقها القدر ان يحدث منها ارتباط رسمى

ومرت الايام ووجدت حبيبها التى كانت تحبه بجنون . يتزوج فتاة اخرى بناءا على رغبة أبيه . وعندما عرفت بالخبر وبميعاد الفرح كانت صدمة غير عادية بالنسبة لها . وحاولت ان تهدء مع الوقت . ولكن هذا فى الظاهر لان الجرح الدخلى لم يهدء او يطيب .

وبعد فترة علمت ايضا انه أنجب فتاة وفرحت له على هذا الرزق . والغريب انها وجدته بعدها يطاردها من جديد ويطالبها بالرجوع له . وايضا صارحها انه لم يعرف للسعادة طعم مع زوجته . وبدء فى كل يوم يقترب عما قبله .

وفوجئت عندما وجدته فى احد الايام يطلب منها الزاوج ...............

ولكن ليس الزاوج الذى نعرفه . ولكن جواز من نوعا اخر

يكون سرااااا . ولا احد يعلم به

وكانت حجته بأنها تتركه حتى يدبر أموره وبعدها يعلن هذا الزاوج

وصدقته تلك المسكينة التى وافقت بسبب حبها له وضعفها الشديد معه

ووجدت نفسها بعد ذلك تفعل اى شيىء لكى ترضيه

وبعد فترة وجدت بأن الظروف لا تنصلح أبدااااا

وكلما أرادت الكلام فى هذا الموضوع . كان يهرب من الحديث بأى حجة

حتى ملت من الوضع والظروف التى لا تنصلح ابداااا

وعندما أرادت الحديث معه هذة المرة بمنتهى القوة .

أجابها انه لن يستطيع ان يعلن الزواج حاليا وأنه أمامه الكثير من الوقت حتى يستطيع تنفيذ هذة الخطوة

وصدمت عندما قالها بمنتهى الصراحة لو مش هتقدرى تكملى على كدة خلاص

انا مش هرغمك

فلكوا أن تتخيلوا حجم المأساة التى تعنيها بعدما شاهدته بدون القناع الزائف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أسفـــــة لــن أستطيـــع أن أقـــــول لكــــم نهــــاية القصــــة

لأنهـــــا حتــى ألان لــم تأخـــــذ قــــرار فى تــــلك المـــأساة التــى دفعـــت نفسهـــــا أليهــــا

دون أن تعــــرف أن هـــــذا ليــــس حبـــــا

وأن الحبيـــــب يجــــب أن يخــــاف ويحمـــــى

لا يأخــــذ ويرفــــض أن يعطـــــى

ولا يتحـــــول عمـــــــره الــى جـــــزار


هناك 36 تعليقًا:

Teawater يقول...

أول تعليق
لـ
Teawater

Teawater يقول...

أول تعليق وأول زياره برده

Teawater يقول...

غلطانه
هي غلطانه سلمتله نفسها
الحب اشهار والحب اننا منخفش ولا نخبي

تقبلي مروري

طـــائر الليــــل الحـــــزين يقول...

teawater
بشكرك يا قمر على اول تعقيب
وعلى اول زيارة كمان
وفرحانة برأيك عشان طبعا هو الأرى الصح من غير اى شك
المدونة نورت بزيارتك يا حبيتى
تحياااااتى
ويارييت طبعا متكونشى أخر زيارة

kh يقول...

السلام عليكم ورحمه الله
هذا الكلام أو تلك القصه التى ذكرتيها ما هى الا تحمانا نتائج قراراتنا ببساطه يجب ألا نأخذ الأمور كلها بعفويه فقد قررت الاخت الزواج بهذا الرجل فى السر ولذلك يجب عليها أن تتحمل نتيجه خطأها ويجب عليها أن تدرس الموقف الحالى جيدا وتنظر لهذه المشكله من فوق ببساطه يعنى كأن المشكله دى مش بتاعتها خالص بحيث تبعد بمشاعرها وأحساسها تماما عن المشكله وكانها بتتفرج على مسرحيه ما ثم تضع الحل المناسب ولا مانع من مشاركه الصديقات ثم تسعى جاهده لتحقيق هذا الحل مهما كلفها طالما أنها قررت أنه الحل الصحيح يجب علينا جميعا أن نتحمل نتيجه اخطائنا ولولا وجود الخطأ فى حياتنا ما أرسل الله رسله الينا فدائما ما نخطئ ولكن من منا يستفيد من خطأه ويجعله فى ميزان خبراته من الحياه ؟؟؟؟؟

وسلاااااااااااااااام

blue-wave يقول...

ايه اللى بيحصل حوالينا دا؟
ايه الدنيا الزباله اللى بقينا عايشين فيها دى؟
هوا كل اللى بيحب بجد بياخد على دماغه كدا؟
هوا لسه فيه حب اصلا؟؟؟؟؟؟؟؟

طـــائر الليــــل الحـــــزين يقول...

kh.........
بشكرك يا جميل على التعقيب وعلى الراى السليم اللى بتمنى ان الشباب كلهم يعملوا ويفكروا بيه
وتحياااااتى ليك

طـــائر الليــــل الحـــــزين يقول...

عمرو ........
ملكشى حق تقول على الدنيا زبالة
واللهى الدنيا جميلة عشان من خلق ربنا سبحانه وتعالى بس نعمل ايه اذا كان فى بشر مش مقدريين ده
مش عارفيين حاجة فى الحياة الا الخيانة والظلم والقسوة
يعنى البشر اللى موحشنها
يبقى ملناش نقول عليها كده
من الواضح يا دكتور انك منفعل جدااا
عموما بشكرك على التعقيب وعلى رأيك فى المشكلة
تحيااااااااااتى

مولان يقول...

مقدرش يحسسها بالامان


تفتكري ده هيكون حب

ايه يجبرها انها تتجوزه في السر

وتحس انها عامل عمله

فعلا حب ضيع حياتها

ونهايته هتكون مؤلمه

هيسيبها سواء قررت هي ده او مش قررته

طـــائر الليــــل الحـــــزين يقول...

مولان .........
اللى جبرها الضعف وعدم لالتمييز بين الصح والغلط
والحب مهما كان كبير لازم يكون له حدود نقف عندها
بشكرك على تعقيبك وحضورك الجميل كالعادة ودايما منورة المدونة
تحياااااااااااتى

حسام وريمان فى هاكونا مطاطا يقول...

السلام عليكم

بجد مش عارفه اقولك ايه


هى فعلا ضيعت حياتها عشانه وضيعت كمان مستقبلها وكل ده عشان اخلاصها ووفاءها ليه

بس هو بصراحه مش راجل خالص ومش بيحبها
لانه لو بيحبها مكانش هيعمل كده كان هيخاف عليها على الاقل

nour shahen يقول...

المرور دا للتهنئه بالعيد يا رب يكون عيد سعيد
كل عام وانتم بخير... ونظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ

طـــائر الليــــل الحـــــزين يقول...

حسام وريمان فى هاكونا مطاطا
تشكراتى على الزيارة الاولى
ويارب المواصلة
وانا سعيدة بجد برأيكم فى المشكلة دى
ويارب الشباب كلهم يفكروا زيكم كده
يحبوا اه لكن يسيبوا نفسهم لضعفهم وللغلط
اكيد ده مينفعشى خالص
تحياااااااتى

طـــائر الليــــل الحـــــزين يقول...

نور شاهين
بشكرك على التهنئة الجميلة
وكل سنة وانتى بأحسن حال وصحة
واضحى سعيد عليكى وعلى امة الاسلام جميعا
تحيااااااااااتى يا قمر

حنان سعيد يقول...

انا سعيده جدا اني اتعرفت على مدونتك
وكل سنه وانت طيب

انا شايفه ان هي الي غلطانه مليون في الميه

هي رضيت ان يكون حبها في السر
مع انه كان الاصل
كانت لام تعرف من البدايه انه مش هيقدر يكون ليه شخصيه ويواجه اي حد
ده مواجهش الناس بانه بيحبها
وساب نفسه لجواز واحده مش بيحبها
ازاي هيواجه اهله وكمان مراته
وكمان ايه هي سمحت لنفسها تكون التانيه وتدخل في حياه واحده غلط
مع انه هو الي حرمها تكون هي الاساسيه في البدايه

الحب تضحيه اه
تحمل اه
بس تضحيه باي حاجه ماعدا احترام كل واحد لنفسه والطرف الاخر
هو كده ماحترمهاش ولا هي حافظت على نفسها
يبقى الاتين غلط

والكلام ده مالوش علاقه بالحب
هو عمره ماحبها
الحب احترام وامان واحتواء
الحب بيبقى نبراس بينور في الضلام

تحياتي لك
وللموضوع الجميل ده
وسعيده باني اتعرفت على مدونتك جدا

طـــائر الليــــل الحـــــزين يقول...

حنان سعيد
بجد انا فرحانة جداااااااا ان احنا كبنات لسه بنفكر كده
رأيك عجبنى جدااا يا قمر وانا برفع صوتى واشاركك فيه
وعايزة اقولك انك وصفتى الموضوع صح
لما قولتى انه عمره ما حبها
تحياااااااااااتى لشخصك الجميل
ولزيارتك الاجمل
وكل سنة وانتى طيبة واضحى سعيد عليكى انتى واسرتك واهلك وكل احبائك

تائهه في بحر الحب يقول...

حبيبتي موووزة ...
نعلم دائما ان عندما تحب المراه يمكن لها ان تضحي باي شئ ولكن عزيزتي من منا لم تعش بقصه حب وقفت امام حبها عاجزة لا تقدر علي المواجهه ولكن الفرق هنا اننا كما تحكم قلبنا بنا تحكمنا نحن بعقلنا في ذات الوقت
فكيف يا عزيزتي بعد ان احببته في النور تقبل ان تعيش معه حياه علي الهامش عندما يريد يذهب اليها وعندما يرضي يحُن عليها بعد ان اعتادت بعاه وعلمت انه تزوجوتاقلمت علي الوضع الجديد كان يجب عليها هنا انتعتاد وتبحث عن حب ارقي واقوي وهو حب زوج ولكن انتهي الامر ويجب عليها الان قبل فوات الاوان ان تفيق وتقف وتتصدي له اما ان يكون زواجا امام النور ام انفصال لتبحث عن ما يعطيها الذي لم يقدر هذا عليه
ربنا معاها.......
بحيكــــــــــي ياتوتا علي الاسلوب

طـــائر الليــــل الحـــــزين يقول...

تائهة فى بحر الحب
واللهى انا اللى بحييكى على الراى الجميل ده
وعلى العقل الجااااااااامد ده
واكييييييييد اضفتك فرقت كتير معاية
تحيااااااااتى
وكل خروف وانتى طيبة

البحث عن أنا شىء جنونى يقول...

طائر الليل الحزين

دائما ما يكون لبعض القرارات اثار جانبيه ولكن فى حالة صديقتك .. فانها على شفا حفرة من الانهيار ..
ولكن فقط هى تتطلب بعض القوة

الذئب الجميل فى ثوب آدم
قصة تتكرر الف مائة مرة
خلال حياتى وحياة كل منا
الحب الضعيف والمجنون .. والعقل الغائب
تماما عن كل التصورات
عليها ان تجرى بعيدا بكل ما تحمل من قوة
عليها ان تبحر للامام
صدقينى فالوقت يمر والعمر يمر
ويمر مع من مع ذئب
لن يتحول سوى الى ذئب
فالا ادمية فى قلبه
وتسكن كل الضلوع
فكيف له ان يبتر كل الضلوع
تنازلت عن اهم حق وهو الحق فى الحياة
فلك ان تتصورى عندما يعلم الذئب بتنازل الضحية عن الحياة
فانه سيتخذ كل الصور فى العذاب
عليها ان تسرع وتهرول بعيدا

أسطى في زمن البلي يقول...

الاســــــــــــــــــــــرة
فـــــــــــــــــــــــين ؟؟

فين الأب ؟ و فين الأم ؟ و فين الاخ ؟ و فين العم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


عاوز افهم .. ازاي جوزت نفسها ؟؟؟


لما الاقي انه دول اسلامية كتيرة بتاخد بالراي الفقهي اللي بيقول : لا زواج إلا بولي .. بالاقيه راي حازم جدا و بيمنع مصيبة زي اللي قراتها معاك هنا


لما بيكون فيه مبدا شرعي بيقول : الدية على العاقلة .. و ها نقول تعريف سريع للعاقلة .. العاقلة هي القرابة من الذكورة الأب و الجد و الأعمام و الأخوة الذكور و أبناء العم

و الدية .. اللي بيدفعها القاتل بالخطأ.. لان القتل العمد جزاؤه القتل

يجتمعوا قرايبه و يدفعوا الدية

حتى لو كان غني ؟ ايوه حتى لو كان غني .. كل قرايبه بيجمعوها و يدفعوها

ليه يا عم الحاج ؟

علشان ما يقولش ياااااه دي دية الواحد لما يدوس عليه بعربيته واحد و خمسين جنيه و يستسهل الامور
لا .. قرايبه ها يقفوا له يعقلوه و هو كمان ها يبقى له مرجعية توقفه عند حده .. و ينكسف منهم بقى


المبداين الفقهيين اللي ذكرتهم دول اظن كفاية قوي ..

سؤال .. ليه البنت بتبوح بسرها لصديقتها اللي هي غريبة عنها و مش بتعرف امها اسرارها ؟؟؟ مع ان امها سترها و غطاها

اااااااه يا مجتمعنا يا ناقص تربية

واضح طبعا انها اتجوزته في السر من الناحيتين .. من ناحية اهلها و من ناحية اهل عريس الغفلة .. و الجواز دا في راي كتير من الفقهاء بااااااااااطل ..

و اصل المصيبة ايه ؟؟ انفصام شخصية المجتمع

ازاي يا عمنا ؟؟

مجتمع يفتخر بالواد العربيد و يقتل البنت اللي يسمعوا انها بتحب

يقتلوا البنت علشان بوسة و يعطوا نيشان للواد الفاسد

مش عاوز اطول كتير


البنت دي المفروض تحكي قصتها لامها .. و امها تعرف ازاي و امتى تقول لابوها .. و ابوها يمسك بسلامته من قفاه .. يثبت الجوازة بشكل رسمي .. و بعد كدا الاشهار .. و لو حتى يبقى فيها ضرب نار

..........


تقبلي اول مرور ليا في احدى مدوناتك

و ارجو ما يكونش مرور تقيل

طـــائر الليــــل الحـــــزين يقول...

اسطى فى زمن البلى ...........
بشكرك على الزيارة الاولى طبعا فى الاول
وكمان انت قولت رأى مفيش بعده اى كلام
بس حبة اوضحلك ان البنت دى فعلا عندها شرخ جاااامد جدااا فى اسرتها ويمكن ده اللى اتسبب فى كده
بس ياما بنشوف بنات اسرتهم مفككه بس فى نفس الوقت عامليين لنفسهم خط احمر عشان اى غلط ممكن يرتكب فى حق نفسهم فى لحظة ضعف
بص بجد انا اعرف تفاصيل كتيرة بس مش هقدر اذكرها عشان الخصوصية لانها طبعا من اصحابى وانا لما كتبت المشكلة دى كتبتها بس عشان اصحابنا البنات اللى لما بيحبوا بينسوا كلمة اسمها لاء
وبيشلوها من قاموسهم . قولت يمكن يستفادوا من القصة ومصير صاحبة القصة
وبجد لتانى مرة بقولك رأيك كان جميل واتكلم عن كل حاجة
وارجو طبعا المتابعة
تحياااااااتى

أسطى في زمن البلي يقول...

شوفي يا استاذة

فيه غلط حصل و فيه مشكلة موجودة

الحل ايه ؟

حل المشكلة بتصحيح الغلط

و في الاول و الاخر : لا يصح الا الصحيح

احنا مش في غابة

فيه قانون و سلطات قضائية و تنفيذية .. و فيه مجتمع له رجالته و قيمته و هيبته

صاحبة المشكلة دي .. تستاهل الموت لو ما اثبتتش حقها في الجوازة دي

بالذوق .. بالقوة .. بالسياسة باي وسيلة

مسالة التفكك الاسري .. دي اخطر مرض بيهدد مصر في النص قرن الاخير

غياب الكبار بشكل عام تعتبر اخطر مشكلة بتواجه مصر و المصريين

منهم لله اللي ضربوا رجالة القانون و رجالة البرلمان و حتى منصب العمدة بقى بالتعيين


قال حب قال

الحب قيمة مش قلة قيمة

و الحب نور مش ضلمة

الحب بيت و اهل مش تسلية في سينما

موضوع حيوي جدا يا طائر

طـــائر الليــــل الحـــــزين يقول...

اسطى فى زمن البلى ........
بجد بشكرك على اهتمامك بالمشكلة دى
بس ربنا يعلم انا قد ايه وقفت فى الموضوع ده ولما الجوازة دى تمت
خبت علية عشان كانت عارفة انى همانع بشكل صارم جداااا
وعايزة اقولك انها لغايط وقتنا الحالى لسه الجوازة فى الضلمة
وهى مش قادرة تاخد موقف خالص
مش عارفة اسمى ده ايه
ضعف والا سلبيه
والا مبقتشى فارقة بالنسبالها انها تحس انها زوجة بكل معنى الكلمة وبكل حقوقها
ودى بتكون ابسط حقوق الزوجة
ان الدنيا كلها تعرف انها زوجة وربة اسرة
تحياااااااااتى لأرائك الجميلة

أسطى في زمن البلي يقول...

يا استاذة اعذريني

ممكن اكون قاسي في كلامي اللي ها اقوله

دي مش جوازة

دي ممكن تسميها اي حاجة تانية غير الجواز

الجواز طلب و قبول

الجواز ولي .. و باركز جدا جدا هنا

الجواااااااز ولي

الجواز مهر و لو خاتم من حديد

الجواز اشهار .. اشهار .. اشهار


البكر تستاذن و اذنها صمتها .. و الثيب تستامر

لا البكر تجوز نفسها و لا حتى الثيب تجوز نفسها .. لا بد ان جوازتها تكون بواسطة وليها

طيب و المعدومة الاهل .. و ليها القاضي .. القاااااضي مش الماذون

اسمعي يا استاذة

الاخت دي تحذريها تحذير قوي جدا

اللي بتعمله دا مش جواز .. و مش عاوز انطق و اسميه باسمه الحقيقي


عاوزاه جواز ؟ .. لازم اهلها يعرفوا و الجيران يعرفوا و اهله يعرفوا و لما ييجي طفل يلاقي بيئة رسمية تحفظ له قيمته


قال جواز قال

دا كلام ؟

طـــائر الليــــل الحـــــزين يقول...

اسطى فى زمن البلى
بشكرك جدااااا
على اهتمامك بالمشكلة دى
وانا عارفة ان كل اللى انت قولته صح
بس كل واحد يتحمل نتيجة أخطائه
لان النصيحة اتعمل اكتر منها وزيادة
والدور هنا ان اللى ممكن يتحطوا فى نفس المكان
ميقبلوش ابدا الوضع ده
ولا عمرهم يسمحوا بيه
تحياااااااااتى لرأيك
اللى اكيد فادنى
واكيد هيفيد كل اللى بيقراه

PrInCeSS BeRy يقول...

اولا وحشتينى كتر اوى عارفة اتاخرت عليكى بس هتعذرينى يا قمر

اما عن قصة هذة الفتاة مش زنبها انها حبت واحد وهوة ما حافظش عليه مش زنبها انو خدعها باسم الحب نظرا لميولة الطماعة فيها كبنت حبتة بجد

والنهاية الاكيد معروفة انها مش هتقدر تتحمل هذا الوضع

اللى بيحب بيحمى حبيبة ويحبة فى النور

مش هقول انها مخسرتش وهوة الخسران

هوة فعلا خسر بنت حبتة

وهية خسرت نفسها فى حد حبتة بجد

وربنا بجد يعينها وسدقينى هيمر الزمن واللى عملة هيتعمل فى اعز حد عندة

تحياتى يا عثل

أحــوال الهـوي يقول...

عبثا نحاول ان نعلق اخطائنا علي الحب
فهذه تجربة لانسانة خانت نفسها و خدعتها و امامها كل المعطيات التي تدل علي فشل التجربة التي خاضتها ....
دعنا من الحديث المسترسل و اليك الحقائق الجليه
1- سنوات من الحب و احبت بجنون و حبيبها تركها و تزوج بغيرها بحجة رغبة والده.... لم تشفع له سنوات ضاعت من عمر محبوبته و ادار لها ظهره بـ.. نداله
2- خدعها مرة و تسبب بصدمتها و لكنها خدرت كرامتها و امتهان كبرياءها و رضيت بانتظار الفرج

3- ظهر مرة اخري علي استعداد لخداع المستسلمة الضعيفة الساذجة التي رحبت ان تصبح زوجة الظل و تخدع اهلها و تخون ثقتهم لتهب السعادة لقاتلها برضي الذليل الواهن
4- خدعها مرة ثالثة بالحنث بالوعد باعلان زواجهما وهو لن يفعل لانه ما صان عهدا او ابر بوعد في حياته
5- و لانها رضيت بفتات السعادة من حبيبها... خيرها بين الرضا بالحال المايل او يتركها فريسة العار و الفضيحة

اختي الفاضلة
ليس للحب ذنب فالمخدوعة تتلذذ بمعذبها و لكرامتها يجب ان تشرك والدها و اهلها في مشكلتها ولا تختفي خلف جبنها و خوفها فما حدث اسواء مما يمكن ان يحدث لو تركت الامور كما هي

و اقول لها اتقي الله فما فعلته بدون علم الناس زني و الزواج اعلان ... و لا تواعدوهن سرا

تحياتي

طـــائر الليــــل الحـــــزين يقول...

بارى
انتى اكتر اللى واحشتينى يا قمر
وبجد رأيك فى القصة جميل جدااااا
بشكرك على تعقيبك يا توتة
تحيااااااااتى يا سكر
يأحلى البنات

طـــائر الليــــل الحـــــزين يقول...

احوال الهوى
مش عارفة اقولك ايه
كلامك جميل
وطريقتك فى التعبير عن رايك اكتر من رائعة
بجد انا فرحانة انك زورتى المدونة عندى
مش لقية رد اقوله على اللى قولتيه
لكن بجد بشكرك جدااااا يا قمرايا
تحياااااااتى

اعترافات قلب يقول...

تقبلى مرورى لاول مرة
فى الاول هى اللى رخصت نفسها واتساهلت فى حقوقها ، فين اهلها من ده كله
وكمان الطريقة ده قدمت قوى كلنا دلوقى صعب الضحك علينا
دول ممكن يتجوزوا ويعملوا فرح وفى الآخر بيبهدلها ويسيبها واهلها بيدوخوا معاه ، امال بقى لو ما لقاش حد يقف ضده
الرجل لو موقفش عند حده فى وقت معين يبقى ده نهاية الست

اسفة للنرف اللى كنت فيه بجد لانى بتضايق لما القى واحدة متساهلة فى حقوقها لمجرد الحب ممكن التضحية تكون بأى شئ تانى الا بكرامتها وعزة نفسها

سورى على الاطالة

تحياتى
شيمو القمر

طـــائر الليــــل الحـــــزين يقول...

اعترافات قلب
انا بجد بحترم رأيك جدااااااا
ومأيداه بكل جوارحى
انا نفسى المشكلة دى ولو فى حاجة شبهها بتجننى مش بتعصبنى بس
وكمان بشكرك على مرورك لأول مرة فى المدونة
وياريت مش تكون الاخيرة
وسامحينى على عدم زيارتى لغايط دلوقتى
بس واللهى دى ايام امتحانات وانا مش بشوف مدونتى الا مرة كل اربع خمس ايام
وبيكون خمس دقايق بس
اول ما اخلص
اوعدك بالزيارة عشان اسلوبك فى الكلام عاجبنى جداااا
تحيااااااااتى يا قمر

aMr tA3LaB يقول...

الكل بيحب كله بيمر بتجربة حق الكل ممكن يقابل الحب اعتذر لعدم ذكر كلمة الحقيقي لاني بعتقد ان كلمة الحب كبيرة جدا جدا لما تقولها لاي حد صديقك صديقتك امك ابوكي اخواتك بتبقى عادية اما لو قولتيها للجنس الاخر ديه بتبقى كلمة كبيرة جدا بعتقد ان الحب يتوافق بين العقل والقلب فلا يغلب احد على الاخر عندما يغلب القلب على العقل يصبح عشق و اتباع اما لو غل العقل يصبح مصلحة اعتقادي ان الحب مزيج جميل بين العقل والقلب بين الاحاسيس والمنطق بين الخيال والواقع اي يجمع بين كل المتناقضات ليكون جميل جدا حيث انه ممكن ان يمل القلب من شخص فيصبره العقل على ذلك وممكن يمل العقل من شخص وتفكيره فيصبره القلب.

اما في حالة كريمتك فهي لم تفكر في لحظة واحدة بعقلها انما استخدم هذا الذئب بمكره كل قوته ليتملك مشاعرها مرة اخرى ول كان يحبها مثل ما احبته تلك الفتاة المظلومة لكان ضحى بكل شئ من اجلها وهو ده الحب بس من راي المتواضع انها تسيبه وتستحمل غلطتها وربنا هيرزقها بحد يتفاهم معاها في الموقف الي حصلها وانها ضحية وتستعوض ربنا في كل الايام الي ضاعت منها بس الاستمرار معاه هيبقى مصيبتين الاولى احساسها بالذنب والتنية عدم السعادة انصحيها انها تسيبه


واسف على الرغي الكتير بس مدونة جميلة زيارة اولى متاخرة ولن تكون ان شاء الله الاخيرة

طـــائر الليــــل الحـــــزين يقول...

عمرو
بجد رأيك فى منتهى العقل والحكمة
وانا بشكرك على رأيك الجميل والنصيحة الاجمل
والاكتر منهم زيارتك الاولى للمدونة اللى اكيد اضافلها كتير برأيك فيها ويارب مش تكون الاخيرة
تحياااااااااااتى

sendrlla يقول...


سامحينى اذا كنت جارحة
انا عندى سؤال ازاى واحدة كان فى واحد بيحبها وهو حب عمرها ويعرض عليها انها تتجوزه فى السر
تفتكرى ازاى هو ما انزلش من نظرها اصلا ازاى هى بتحترمه وكمان تتجوزه
وازاى تقبل على نفسها تتجوز فى السر اصلا
يا بنتى الكرامة فوق كل حب وكل اعتبار وبعدين دى لسه عندها 26 سنه
واهلها فين من دا كله مافيش اب ينصح ولا ام ولا هى اصلا اتجوزته من ورا اهلها كمان لو كده بقى تبقى تستاهل اللى يجرالها

انا ما بحبش أنصاف الحلول بحب يا ابيض يا اسود
والكرامة فوق كل ابيض واسود خليها ترد اعتبارها وتنفصل بدون راجعة وبدون تفكير خليها تاخد قرار واحد صائب فى حياتها لأن كل قرارتها غلك حبت واحد غلط وارتبطت غلط خليها تبدأ حياتها صح
.....................
لحن الفيـ سندريلا ـولا

طـــائر الليــــل الحـــــزين يقول...

سندريلا
انا بحترم رأيك جدااااا
وطبعا هو فى منتهى الصح ومفيش كلام فى كده
بس تقريبا فعلا زى ما بيقولوا مراية الحب عمية
لدرجة انها بتمنعهم يشوفوا خالص وانهم يدمروا مستقبلهم قصاد كده من غير ما يحسوا ان اللى هما بيعملوه فى منتهى البعد عن الحب
وشكرا على مشاركتك يا قمر
تحياااااااااااتى

كلمات حب يقول...

متميز